第十回

91. 歹命人

一個紳士坐佇酒吧，面對一杯燒酒，直直佇喘大氣(khui)，差不多有半小時啊。
雄雄一個駛Truck兮運將，行到伊的身驅邊，將彼一杯燒酒飲落去。
看著彼一杯燒酒互人飲去，這個紳士煞開始哭。
運將開嘴講：「我在(te)爽笑兮，我隨時會使買一杯還你，你是男子漢，不通哭。」
紳士：「我不是佇哭你飲彼杯酒，我是佇哭我的歹命。我今仔日兮運氣誠bai，下班發現車互人偷牽去；叫計程車，落車了後才知影，皮包放佇車內；轉來厝兮，閣發現我牽手和園丁佇床上哈咻，」紳士停起來喘一個大氣以後，又閣繼續講落去：「我離開厝來酒吧，在考慮欲結束我生命兮時陣，你又出現將我的毒藥飲去........。」

92. 太監

有一日有一個賢人(gau-lan)，佇朝庭遇著一個太監，太監強叫伊講一個笑話。
賢人講：「古早古早有一個太監，」講到遮伊著停起來了。
太監問伊「下面是啥物?」
伊講：「下面無了。」

93. 鬼出

有一個田莊兮某一路段，時常鬧鬼，村民都盡量避免行彼路段。
有一晚，一個村婦需要行過彼個所在。為著壯膽，伊叫伊讀小學一年級的後生做伴。In 在(te)行彼條路兮時陣，後生講，伊看著電火柱頂有二個人。伊的老母驚一下，險險仔暈去，伊趕緊扭(giu)伊後生的手，拼命走到厝。第二日電火柱頂有二個人兮消息，傳滿村里。第三日村長娶彼個村婦及伊的後生去現場看實況，彼個囝仔，指貼佇電火柱頂兮標語講，二個人佇彼仔。原來標語寫：『保密防諜，「人人」有責。』

94. 外科醫生

幾個仔外科醫生在咖啡break，in 討論最好兮開刀患者。有兮講會計師上好，也有兮講牧師，嘛有兮講老師等等。最後 in 同意七桃政治兮(Politicians)上好動手術，因為 in 無膽、無心、無卵核、也無頭腦，而且頭和腳瘡置(khn)不對，也無啥物要緊。

95. 上天堂兮律師

一位律師上天堂，鑼鼓齊鳴，門前有儀隊在歡迎伊，伊袂潦解。
伊問聖彼得其原因。
聖彼得講：「自有天堂以來，你活上久兮，阮第一擺接活130歲兮人。」
律師：「不拘我干單六十二歲耳耳。」
聖彼得講：「阮兮算法是：用你給你的顧客，charged兮時間為準。」

96. 聖誕禮物

判官：「請問，你犯啥物罪互人檢舉？」
被告：「尚早(太早) Christmas shopping.」
判官：「是外早？」
被告：「店門未開以前。」

97. 超級販賣

有一個有販賣經驗兮少年人，來 Florida 兮 " Everything Under One Roof " 百貨公司，找頭路。
經過簡單兮面談後，販賣部兮頭家就叫伊明仔早來上班。
第一日無閒到關店。一關店頭家就來看伊。
頭家問伊：「今仔日有幾個人客給你賣物件？」
伊應講：「干單一個。」
頭家：「干單一個？咱的店員，平均每人每日接30位人客......你到底賣外濟錢？」
新店員講：「十萬兩千三百外塊。」
頭家：「十萬兩千三百外塊! 你是安怎賣兮。」
新店員講：「我先賣伊一打兮魚鉤仔，然後勸伊買兩支新兮釣竿仔；我閣再問伊有魚艇無？結果伊又閣買一隻魚艇；然後伊發現伊的本田車拖袂(boe)行彼隻魚艇，我又勸伊買一台Expedition新車。」
頭家：「一個人來買魚鉤仔，結果你賣互伊一隻魚艇及一台車？」
新店員：「不是，本來 in 某吩付伊來買Tampons, 我勸伊去釣魚，因為 in 某有月事，留佇厝裡無意義。」

98. 繳錢便所

兩隻狗仔做陣出去散步，其中兮一隻尿急，就佇Parking meter用便。袂用了看著警察，有命無命緊走。另外一隻問伊是安怎？伊講彼兮是Pay Toilet，我無落錢。

99. 獎金遊戲

節目主持人：「這是最後兮兩個問題，你若攏臆(ioh, 猜)著，獎金一百萬；你會使先臆第二題，然後再轉來第一題，往往第二題攏較簡單。」
人客：「好，我就先臆第二題。」
主持人：「彼兮代誌是西元幾年發生兮？」

100. Ham(言敢)古

有一個新竹人、土庫人與鼓山人比講Ham(言敢)古。
新竹人：「新竹的竹仔誠長，竹頭佇竹南，竹尾佇竹北。」
土庫人：「土庫的牛誠大隻，日月潭兮水一嘴就飲乾。」
鼓山人：「鼓山兮鼓親像高雄山彼仔呢大，是用新竹的竹仔及土庫的牛皮做兮。」
新竹人及土庫人問：「啊摃起來兮聲不著(m-tio) 和雷公平大聲？」
鼓山人：「無，無外大聲，但也袂細聲，不拘伊兮聲聽起來是，Ham, Ham, Ham，所以阮鼓山人叫彼兮鼓，Ham 古。」