第  三  回

21、最後兮願望

獄長問三個死刑犯的最後願望。第一個犯人講：「我欲喫素菜，我想去西天。」第二個犯人講：「我欲飲 Napa 產的紅酒，希望會延長我的生命。」第一個及(kap)第二個攏無問題，獄長照准。最後第三個犯人講，伊欲喫雄貓肉(Panda's meat)。這個要求互獄長頭痛。獄長講：「雄貓是稀有動物，愛等誠久，禁令解除後才會凍喫。」犯人講：「無要緊，我甘願等，反正我有兮是時間。」

22、電動機 Vs. 發電機

幾年前載五歲兮孫，去挽(ban)櫻桃，在路中伊看著誠濟(很多)兮發電用風車。伊驚一抖(tio)講：「原來空中裝遮呢濟(那麼多)電風，才會有風。」

23、名片

林先生去印名片，發現有錯誤，印刷廠將「技術顧問」印成「技術顧門」。伊拍電話互印刷廠的經理，給伊講，技術顧門少一個「口」。印刷廠給林先生會失禮後，答應重新再印一擺。新印的名片，林先生的頭銜變作「技術顧門口」。

24、數字正確

博物館的 Guide 講：「各位，面前展覽兮是，一百五十萬又二十七年前兮恐龍化石。」 客人之一有一絲仔不相信，因為數目尚(太)正確。伊問：「為啥物這數目正確到二十七年？」Guide 講：「因為二十七年前，我來遮(這裡)服務時，館長給我講，這化石是一百五十萬年前兮。」

25、義肢

In 二人已戀愛誠久，不拘(m-ku)女兮猶閣(iau-ko)不知，男兮干單有一支腳。結婚彼暗，新娘才發覺。伊隨時拍電話互伊的老母。伊講："He has only a foot." 媽媽：「不通(m-tan)怨嘆，Lin (你的)爸爸的也干單有 6 inches。」

26、不是我

一位闊少爺開一部跑車，超速互警察給伊停車。警察欲開罰單兮時陣，伊問警察：「你敢知影阮老爹是啥物人？」警察：「誠失禮，我不知。最好你返(tng)去問你的媽媽，不拘我給你保証，絕對不是我。」

27、整容

一位五十歲兮女士患心臟病入院，手術前遇著上帝。伊卡上帝講：「主啊，我知影你欲來娶我去了。」上帝翻伊的生命簿後講：「這是妳的誤解，妳猶閣(還有)有二十幾年兮生命。」女士大喜，聽著猶閣有二十幾年通活，伊決定整容後再出院。手術後一出院就互一部 truck 闖死了。伊閣再遇著上帝，伊給上帝講，頂擺上帝講不對。上帝講：「失禮，失禮，妳整容後，我煞boe 認得妳。」

28、外勞

老師：「對台灣兮經濟影響最大兮外勞是？」 學生一：「馬勞。」 學生二：「泰勞。」 學生三：「菲勞。」 學生四：「麥當勞•」

29、抄襲

張生：「早上的代數考慘了，我交了白卷。」 宋生：「我也是，拿鴉蛋不好玩。」 張生：「這一下完了，老師不知道會不會以為，我又抄你的？」

30、三千萬

阿花：「阿明嫂，誠欣羨，聽講阿明兄留互你三千萬。」 阿明嫂：「三千萬是無不對(m-tio)，夭壽喔，不是錢啦；是千萬愛教育子女，千萬有孝乾家(阿明母親)，及千萬不通(m-than)再嫁。」