第五回

41、楚河為界

一對囝仔，一查埔及一查某，作伙洗浴。彼個查某囝仔誠好奇，因為不識看過「小鳥」，伊伸手想欲給摸一下看覓(mai)。彼個查埔囝仔，看著查某囝仔的手，伊著給伊的手擋(tong)起來，然後講：『妳家己的「七桃」了了去，欲閣來「七桃」我的，無公平。』

42、有一擺

一位印度女士，拄阿(tu-ah)由印度來。在填移民表兮時陣，發生問題。第一項的 Name 及第二項的 Date of Birth，伊攏無問題。第三項的 Sex 伊不知欲安怎填，愈想面愈 紅，但閣 boe 使無填，也不敢問別人。故不而章伊填：Once in India.

43、性騷擾

佇醫學院的教室，教授在講課。
教授：「強生小姐，人器官的內底，興奮時會長大三倍兮是啥物？」
強生小姐：「這個問題對我是一種兮侮辱，我拒絕回答。」
教授：「史密史先生，請你回答。」
史密史：「瞳孔，教授。」
教授：「完全正確。」

44、節支

家庭經濟有問題，開源無望，只有節支。
夫：「妳若會曉煮菜，也願意煮菜及清內底，咱就不免請下女。」
妻：「你若作愛兮時陣，卡熱情咧，咱就會使辭去運將及園丁。」

45、突變

黑王妃生一個白囝仔。國王請府醫進府。國王欲府醫解釋，黑女生白囝仔兮理由。
府醫：「在學問上，這叫突變(Mutation)，無啥物稀奇。這和幾日前，府內的白狗生黑小狗相像(sio-siang)，無人感覺奇怪。」
雖然國王猶然懷疑，這白府醫作了好事，但伊boe凍無接受，府醫的解釋。
府醫離去兮時陣，國王在府醫的耳仔邊講：「我接受你的突變學說，但請你千萬不通給任何人講，白府狗生黑狗仔子兮代誌。」

46、免費度假

佇美麗兮海灘，一位律師遇到一位工程師。
律師誠驕傲，給工程師講：「我的度假費用，攏是火險公司出兮，因為阮的厝互火燒去。」
工程師也用相同兮口氣講：「我的度假費用，也是保險公司出兮，不是火險，是水災險。」
律師驚一下問講：「借問一下，你是安怎製造水災兮？」

47、我對陀位來兮

佇舊金山的一社區，透早小威廉問父親，伊是對陀位(tuo-ui)來兮。父親想講，「不可避免兮代誌」來了，畢竟小威廉已大漢，需要知影這人生的嚴肅兮代誌。伊就用教育性兮語氣講，宇宙的創造、蜂蝶的生殖、人的.........。終於將大道理講完，伊喘一個大氣(khui)。
最後伊問小威廉：「你甘聽有？」
小威廉答：「我聽無，恆利講伊是New Jersey來兮，你猶未給我講，我是對陀位來兮。」

48、走私

荷西騎腳踏車，背一大包砂，由墨西哥來到美墨海關。美國關員問荷西，彼包是啥物。伊講是砂，關員無相信，送去化驗室檢查，結果確定是砂。同款兮代誌，每二禮拜作一擺，作到退休。退休後這個關員，去墨西哥度假兮時陣，遇著荷西。伊問荷西砂的用途。荷西講伊不是在進口砂，是在走私腳踏車。

49、聰明兮園丁

一位園丁抓著一位，偷挽蘋果兮囝仔。在往見園主兮途中，囝仔講伊boe記得，放一頂帽仔在樹仔頂，欲返去取(theh)。一去無回。第二次，又閣發生同款兮代誌。這擺園丁卡巧啊，當囝仔給伊講，伊boe閣去取帽仔兮時陣，園丁講：「這擺我互你boe騙得，你站遮(khia-chia)，我來給你取帽仔。」

50、謎語

早餐及中餐兮中間彼頓，英語叫brunch。是 breakfast 的 br及 lunch 的 unch 形成兮。聰明兮讀者，「以此類推」，中餐及晚餐的英語應該叫啥物？(Hint: 晚餐叫supper.) 請不通在公開兮場合猜。