第五回

51、精神病

醫生：「我若給你割掉一個耳仔，你會安怎？」
患者：「多少會影響我的聽覺。」
醫生想：「正常。」
醫生繼續：「若二個攏割，你會安怎？」
患者：「會影響我的視力。」
醫生想：「害啦，問題大條啦。」
醫生閣問：「是安怎會影響你的視力。」
患者：「我boe凍掛眼鏡。」

52、消約不免家己

患者電醫院：「我有需要定急診兮掛號，看蕭醫生。」
服務生：「蕭醫生最早二禮拜以後，才會凍看你。」
患者：「彼兮時陣，我想我已經無在人間啊。」
服務生：「你Boe凍來無要緊，取消appointment可以由別人代作。」

53、健忘又玩固

一對老夫妻，因為健忘去找醫生。醫生講這誠正常，免煩勞。不拘醫生建議 in 有寡代誌寫起來卡方便。
返去厝，老夫問老妻欲喫啥物。老妻講：「Vanilla Ice Cream, 上面加 Hot fudge 及一粒草莓。」伊講了後，又叫老夫用筆寫起來，卡boe boe記得。老夫講伊的頭殼猶未歹去咧，不免寫。無外久，老夫捧(phang)一盤兮 egg, bacon 及 sausage 出來。老妻講，叫你寫，你偏偏不寫，我給你注文兮是：sausage, toast 及 coffee。

54。忠實

金婚紀念夜，夫妻在枕邊細語。 丈夫：「親愛兮，我一直想欲問妳這個問題，這五十年來妳甘對我有忠實？」
妻：「既然你已經問啦，我就照實給你講。為著你，我誠辛苦過。你甘會記得，婚後無外久，咱買第一間厝。幾個月後，你互人給你辭頭路，銀行欲拍賣，咱的厝兮代誌？有一暝為著欲解決這個代誌，我去找銀行董事長。這是我第一次兮不忠實。幾年後，你患心臟病，咱負擔boe起，醫藥費及手術費，不拘生命要緊，我就去和手術醫生參詳，這是第二次兮不忠實。然後是幾年前，你競選俱樂部主席兮時陣，你甘猶會記得，你差 64 票兮代誌？」講到遮，老翁已經昏去啦。

55、破豆

老夫妻在破豆。
夫：「若我先去，妳欲安怎安排妳的日子？」
想了一會仔後，妻：「招幾個單身女士，抑是寡婦來作伙住(toa)，你咧？」
夫：「翁仔某住久，思想及外表都同款，我和妳的想法完全一致。」

56、變本加厲

阿成最近誠倦(siang)，聽講是因為失眠引起兮。我問伊失眠的原因，伊講：
「阮某神經過敏，暗時聽著聲音，伊就想講是賊仔入來啊，就給我拍醒，叫我起來巡巡咧。」
我給伊講：「大多數兮賊仔，入門攏嘛boe出聲。」阿成講：「我都是安呢給講，悽慘，煞boe凍直，伊煞有聲無聲，無時無陣，攏給我拍醒。」

57、婚費

兒子：「父親，在一般情形下，結婚費用愛外濟？」
父親：「講實在兮，我不知影外濟，到現在我納猶未了。我猶看boe著銀貨兩訖兮日子。」

58、上帝願意

少年人及上帝破豆。
少年問：「上帝，地球的一百萬年，是你的幾年？」
上帝答：「是我的一秒鐘。」
少年：「安呢講，你的一下仔，不是阮的幾百萬年？」
上帝答：「當然。」
少年閣問：「阮的一百萬是你的外濟？」
上帝答：「我的一分錢。」
少年要求：「上帝請你賜互我，你的一分錢。」
上帝答：「無問題，我會凍卡濟互你，請等一下，等候我接一個電話咧。」

59、錯誤兮婚姻，錯誤兮指頭仔

比耳：「喬治，你的手指掛不對枝指頭仔，應該愛掛佇第四指兮，你掛佇第三指‧」
喬治：「事實上，你講兮誠對，我掛兮也對。」
比耳：「你講卡互我霧煞煞，我聽無。」
喬治：「是不對兮婚姻，我才掛不對兮指頭仔，雖然應該掛佇第四指兮。」

60、空殼支票

有一日，一位其貌不揚兮男士，帶一位十分豔麗兮淑女，來到巴黎一家著名兮珠寶店。 伊為女士選了一條價值5萬歐元兮項鍊。付款兮時陣，伊簽了一張5萬歐元兮支票。 店員煞不知欲安怎，因為這對夫婦是頭一襬來店兮人客。
男士看著這情形，十分冷靜對店員講： 「先生，我想你在擔心這是一張兮空殼支票，今仔日又是拜六，銀行關門。我建議將支票和項鍊都留遮。等拜一支票換現金以後，才將項鍊送到這位小姐兮厝。你想安昵甘好？」 店員接受了這個建議。
拜一，店員發現支票果然是張空頭支票。伊誠受氣，就打電話互彼位顧客。人客給伊講： 「這無什麼要緊！你和我都無損失。頂禮拜六兮晏暗，我已經及彼個女士睏過了。」