第八回

71、遺傳

遺傳誠重要，例如：你若boe(勿會)生，您子孫一定也boe生。

72、書店

有一個出名兮作家，欲去某書店參觀。書店的頭家，事先知影這個代誌，伊就將所有其他作者的書搬走，書店干單賣這位作者的書。作家入去書店，非常歡喜，就問：「貴書店干單佇賣我寫兮書耳耳？」頭家回答：「當然不是，別個作家的書銷路較好，攏賣完了。」

73、菜頭腳(大根足)

風颱過後作大水，女兮想潦水。男兮看女人的腿後講：「不通。」女人問：「為啥物？」男人答：「菜頭浸水，驚會爛去。」

74、鸚哥(鸚鵡)

Gary 有一隻誠賢(gau)講話兮鸚哥。有一日，伊將這隻鸚哥置佇(khn-ti)伊的辦公室兮門口。次日兮早時，女同事Joyce進門，鸚哥就叫：「妳誠美。」Joyce誠歡喜又閣試一擺，鸚哥又閣叫一擺：「妳誠美。」Joyce繼續試五擺，鸚哥也繼續叫「妳誠美」五擺。Joyce試第六擺兮時陣，鸚哥轉頭對Gary 講：「Gary，有人佇(七桃)你的鳥仔。」

75、算術

三個人住旅館，旅館費一夜$300，每人出$100。彼暗旅館拍折只收$250，退還$50，服務生「中山袋」$20，還每一個人客$10. 算術：
       $100 - $10 =$90
       $90 x 3 = $270; $270 + $20 = $290
為啥物不是$300？$10走無去啊？

76、勼(khiu)及凍兮頭家

有一個工員慢二點鐘上班，伊夯(gia)一枝柺仔，肩頭閣縛一條繃帶(hoh-tai).
頭家：「發生啥物代誌？」伊誠無歡喜。
員工：「無小心由六樓摔(puah)落來。」
頭家：「由六樓摔到樓腳，甘愛用二點鐘遮爾(chia-ni)久？！」

77、第二語言

有一隻聰明兮貓鼠，會曉聽貓仔聲，聽著貓仔聲伊就匿(bi)起來。有一日伊聽著貓聲就趕緊匿起來。匿在孔底誠久後，伊聽著狗仔聲。伊想講，即然狗仔來了，彼隻驚死兮貓仔，一定走了。伊就安心由孔底出來。想無夠彼隻貓仔猶閣在遐(hia)。貓鼠在搖頭兮時陣，貓仔講：「狗仔聲是我叫兮，這個時代，boe曉第二語言，日子歹(phai'n')過。」

78、郵差的最後一日

是一位郵差的最後工作日, 伊已經做三十年兮郵差。伊到第一間厝兮時陣，In 全家出來及(kap)伊道別；第二間厝、第三間厝及第四間厝，攏送伊禮物，也給伊講：Good-bye。第五間厝，美麗兮女主人出來牽伊的手，入房間作「彼個可作不可講兮代誌」。然後，女主人又邀請郵差飲(lim)咖啡。郵差一直為女主人的招待，感覺「不可思議」。
郵差離開時猶閣佇搖頭。女主人講：『請不通閣再搖頭，「彼個可作不可講兮代誌」是阮翁送你兮，咖啡是我的意思。』郵差：「我boe凍瞭解您(lin)翁的意思。」女主人講：「昨暗，阮有討論送你禮物兮代誌，伊講：" xxck him. He is not that good. "」

79、飼狗

我給媽講：「我想欲飼狗。」媽佇看電視，不插我。
我又給媽繼續講四、五擺「我想欲飼狗」。媽也閣不插我。
強兮boe通，我就用軟兮。經過我的千拜托萬拜托後，媽無法度應講：「飼狗會使，不拘boe使牽狗入厝內。」
我將媽講兮話給我的同學講。我的同學講，這無算啥物。伊講伊也和伊的媽，講過飼狗兮代誌。幾個月兮跪求以後，伊的媽應講：「欲飼會使，厝內干單會使飼一隻畜生耳耳，你家己決定飼陀位(那)一隻。」

80、局部

一位老太太不識(pat)字，但愛聽收音機及氣象預報，而且逐日(天天)都聽。
有一日喫飯兮時陣，伊問厝兮人：「局部地區佇陀位？遐(hia)逐日都佇落雨。」