第九回
81、醒藥
飲酒兮人客給走桌兮講：「我有一絲仔酒醉，駛車有困難，你甘有醒酒兮藥仔？」
走桌兮講：「你稍等一下，我來提帳(siau)單。」
82、同性戀
一位瑞士男人家己一個坐佇酒巴飲酒，伊boe(勿會)曉講英語，誠寂寞。
伊及鄰座兮女士開始話仙，經過一下仔「你講我不黨」兮破豆以後，伊向女士要求約會。
女士回答：「多謝你的約會，不拘我是 Lesbian。」
伊問女士Lesbian是啥物。女士解說幾拉擺伊猶聽無。這個時陣拄好(tuho)有一位摩登又美(sui)兮查某囡仔入來。
女士指著彼個美查某囡仔講：「Lesbian 是會和入門彼個，美查某囡仔戀愛兮彼種人。」
「啊！安呢，我都是 Lesbian。」瑞士男人如夢初醒。
83、內底誠暗
一位有客兄兮女士，客兄來兮時陣，攏將伊的囝仔藏著衫仔褲廚內。
有一日，伊和客兄做伙兮時，聽著外面有翁婿返來兮車聲，伊趕緊將In(人因)客兄也藏入衫仔褲廚內。
囝仔講：「內底誠暗。」
客兄應：「有影誠暗。」
囝仔講：「你甘欲買棒球。」
客兄應：「一粒外濟？」伊知影無買boe使得。
囝仔講：「五百塊。」
伊買一粒。
第二禮拜，同樣兮代誌又發生一擺，故事又由「內底誠暗」開始。第二擺較貴，伊買一粒一千塊。
禮拜日，囝仔的阿爸，招囝仔欲去「七桃」(馬日-馬月)棒球。囝仔講伊無棒球啊，賣了啊。阿爸問講，賣外濟？伊講一千五百塊。阿爸驚一下，阿爸想講伊的囝仔做歹代誌，趕緊娶囝仔去教堂認罪。一來告解室，扭落簾布，坐定後，囝仔開嘴講：「內底誠暗。」
神父應講：「這一套(chit-to)佇遮(ti-chia)boe通啦。」
84、未卜先知
有一暝，我和朋友去遊夜市，遇著相命仙。突然朋友行向相命仙，相命仙用手勢叫朋友不通開嘴，講伊是未卜先知。
相命仙：「看你的面色，你想欲問『事業』。」
朋友：「不是。」
相命仙：「歹勢，歹勢，拄仔(tu-a)燈光尚暗，面色看boe(勿會)清楚。我知影你是欲問『婚事』。」
朋友：「不是。」
這個時陣，已經圍一推人。
相命仙：「我知影你騙我(勿會)過，你欲問『家事』。」相命仙開始著急。
朋友：「不是。」
相命仙：「你是來鬧場兮！？」相命仙受氣了。
朋友：「不是啦，我是欲問你『便所佇陀位』？」
85、新婚
三位同日結婚兮女朋友，決定以暗號及用批來描寫各人兮新婚。
收著兮第一張批寫：「渣打銀行。」
In (人因)由報紙找著渣打銀行的廣告：「大，強壯又溫柔。」
收著兮第二張批寫：「 雀巢咖啡。」
報紙的雀巢咖啡廣告是：「 歡樂到最後一滴。」
收著兮第三張批寫：「國泰航空。」
報紙的國泰航空廣告是：「每週七天，一天三班，中途無休。」
86、台美人
你是第二代台美人，如果：
- 1) 你阿爸是工程師， 若無都是教授。
- 2) 你阿爸有高級學位。
- 3) 你 父母叫你去讀Medical School 抑是Law School。
- 4) 為著買半票，你 父母叫你講你是十二歲，事實上你已經十六歲。
- 5) 你 父母常將你及 in 的朋友的囝仔比較。
- 6) 你 父母不識給你吻。
- 7) 你不識看著你 父母佇相吻。
- 8) 你 父母叫你叫 in 所有的朋友 Uncle抑是Auntie。
- 9) 你 父母強制你學 Violin 抑是 Piano。
- 10) 你 父母給你買兮衫抑是鞋都大一、二號，明、後年猶閣會穿得。
- 11) 娶你去高級餐館，點飲料兮時陣，吩咐你點白水就好，又叫你不通點甜心。啤酒轉來厝飲
卡俗。
- 12) 娶你去包肥(Buffet)，叫你不通叫白水以外兮飲料，也不通吃飯及麵包，盡量吃龍蝦、
Alaska 蝦腳、生魚片、鮑魚等。
- 13) 碗底boe使剩飯粒仔。
- 14) 你問你阿爸一個簡單兮數學，兩點鐘以後，伊猶閣解釋未了。
87. 入天門考試
St. Pter 替上帝看天門，入天堂兮考試聽講誠公平，題目由St. Peter出。有一日有一個牧師、一個工程師及一個律師來拍天門。St. Peter 一個一個問。伊先問牧師：「撞著冰山沉落去兮超級大船啥物名？」牧師應講：" Titanic，" 就進天堂。St. Peter問工程師：「外濟人死亡？」工程師講「2,228人。」St. Peter講「無不對。」工程師也被邀請進天堂。然後是律師，律師誠有自信，因為伊想講伊的學問誠飽。St. Peter問律師：「請你講，Titanic沉落去兮時陣，死去兮每一個人的名。」律師摸著鼻仔行向地獄。聽講到目前為止，猶無一個律師通過天門兮考試。
88. 原因
離婚的原因：結婚。不識聽講未婚兮人離過婚。
無做醫生兮原因：無讀醫學院。這個時代無讀醫學院boe凍做醫生。
無做總統兮原因：無競選，但我有夠資格。
89. 減肥
施氏找醫生減肥，吃減肥藥後，每暗都夢著佇孤島，互裸体兮女人「走立」(jiok)，幾禮拜後，伊減肥十五公斤。鍾氏也去減肥，吃減肥藥後，每暗都夢著佇森林互虎「走立」，幾禮拜後伊也減肥十五公斤。伊不甘願去問醫生講不平。醫生講：「失禮，施氏是私人保險，你是公保。」
90. 種族
強生夫婦有兩個囝仔及一個黑人園丁。強生夫婦做愛兮時陣，一向都用乳白色兮樹乳套。有一日為環保，in決定換再製兮黑樹乳套，一試就是一年。無想著 in 煞生一個黑人囝仔。這個時陣 in 卡明瞭為啥物世間有各種膚色兮人。
|
